Amdanom Ni
Mae'r adran hon yn cynnwys gwybodaeth am:
- pwy ydym ni
- swyddogaeth yr Archwilydd Achosion Annibynnol
- beth rydym yn archwilio
- Cwynion Di-baid/Trallodus
- Ymddygiad Annerbyniadwy
- atebion i Gwestiynau a Ofynnir yn Aml
Yr Archwilydd Achosion Annibynnol
John Hanlon yw'r Archwilydd Achosion Anibynnol (ICE). Ei rôl yw ymchwilio i gwynion am yr Asiantaethau neu'r Busnesau Llywodraethol canlynol, gan ddefnyddwyr eu gwasanaethau:
- yr Asiantaeth Cynnal Plant
- Rheoli Dyled
- y Gwasanaeth Anabledd a Gofalwyr
- y Cynllun Cymorth Ariannol
- y Ganolfan Byd Gwaith
- yr Adran Trefnu a Gorfodi Cynhaliaeth Plant (Gogledd Iwerddon)
- yr Asiantaeth Nawdd Cymdeithasol Gogledd Iwerddon
- y Gwasanaeth Pensiwn
Nid yw Mr Hanlon yn Was Sifil ac nid yw'n rhan o strwythur reoli unrhyw un o'r Asiantaethau neu'r Busnesau ac mae'r gwasanaeth a ddarperir gan ei swyddfa yn rhad ac am ddim i gwsmeriaid.
Mae Mr Hanlon yn gyfreithiwr sydd wedi cyflawni nifer o swyddogaethau anweithredol, cynghorol ac annibynnol, gan gynnwys gweithredu fel Rheolydd Cwmnïau Budd Cyhoeddus ac fel Comisiynnydd i'r Comisiwn Gofal yn Yr Alban. Mae ganddo brofiad sylweddol mewn cyfryngu, canoli, a phenderfynu ar faterion cymhleth. Mae wedi gweithio'n llwyddiannus gyda nifer o gyrff cyhoeddus mawr yn y sectorau cyhoeddus a phreifat.
Datganiad o'n Hamcanion
Pwyso a mesur heb ochri â neb.
Amcan
I ddarparu gwasanaeth adolygu am ddim, sy'n effeithiol, ddiduedd ac yn datrys cwynion, i gwsmeriaid yr Asiantaethau a'r Busnesau perthnasol sy'n gwneud gwahaniaeth i'r ffordd y maent yn cyflawni eu cyfrifoldebau i'r cyhoedd.
Gweledigaeth
I fod yn wasanaeth o'r radd uchaf a ddarperir gan staff proffesiynol.
Byddwn yn cyflawni hyn drwy fod yn llwyddiannus yn yr amcanion canlynol:
- Trwy gynnal y safonau profesiynnol uchaf wrth archwilio cwynion
- Gwelliant parhaus i ansawdd ein gwasanaeth
- Adolygu a sicrhad rheolaidd o, a ble y bo'n briodol, gwella ein hygyrchedd a'n hatebolrwydd
- Sicrhau neu wella ansawdd a chyflymdra'r adborth i Asiantaethau/Busnesau ar faterion achos a systemig
- Gwerthfawrogi ac awdurdodi staff yr Archwilydd Achosion Annibynnol (ICE)
- Darparu gwybodaeth rheolaidd a ddefnyddiol ynglyn â'n dadansoddiad o gwynion a phenderfynwyd arnynt a'r rhai a harchwiliwyd ar gyfer ein hapddalwyr
- Rhoi gwerth am arian
- Ymlyniad i bolisiau'r Adran Gwaith a Phensiynau (DWP).
