Yr Archwilydd Achosion Annibynnol

Beth na allawn ei archwilio

Ni all yr Archwilydd Achosion Annibynnol ddelio gyda chwynion nac anghydfodau:

• am bwyntiau cyfreithiol
• sydd, neu wedi bod, yn destun i gamau cyfreithiol
• am sut mae unrhyw un o'r Asiantaethau neu Fusnesau yn cyflawni eu cyfrifoldebau fel cyflogwr
• y mae'r Ombwdsmon ar gyfer y Senedd a'r Gwasanaeth Iechyd neu'r Ombwdsmon ar gyfer Gogledd Iwerddon naill ai'n archwilio ar hyn o bryd neu eisoes wedi'u harchwilio
• nad yw'r Asiantaeth/Busnes wedi rhoi eu hymateb terfynol, mae hyn yn rhoi'r cyfle i'r Asiantaeth/Busnes perthnasol i setlo'r gwyn gyntaf
• a dderbynnir mwy na chwe mis ar ôl i'r Asiantaeth/Busnes anfon eu hymateb terfynol. Mae hyn oherwydd ei bod yn anoddach i bawb sy'n ymwneud â'r achos i gofio yn union beth ddigwyddodd wrth i amser fynd yn ei flaen

Mwy o wybodaeth

Mae pob Asiantaeth/Busnes yn cynhyrchu nifer o daflenni a allai fod o ddefnydd i chi. Er mwyn cael y taflenni hyn dylech gysylltu â'ch swyddfa Canolfan Byd Gwaith lleol. Gallwch ddod o hyd i gyfeiriad a rhif ffôn y swyddfa agosaf atoch yn eich llyfr ffôn o dan 'Jobcentre Plus'neu o wefan y DWP.

Gall cwsmeriaid yng Ngogledd Iwerddon dod o hyn i'r wybodaethhwn o dan 'Government Offices - Social Security Agency'. Gallwch lawrlwytho rhai taflenni ar wefannau yr Asiantaethau/Busnesau perthnasol.

Gallwch hefyd ffonio'r Asiantaeth/Busnes sy'n delio â'ch achos. Dylech allu cael y rhif ffôn ar unrhyw wybodaeth maent wedi'i hanfon atoch.

Pryd yw'r amser iawn i gwyno i'r Archwilydd Achosion Annibynnol?

Yn gyntaf, rhaid i chi gwyno i'r Asiantaeth/Busnes a mynd trwy eu gweithdrefn gwyno hwy yn llawn. Gellir cael mwy o wybodaeth am weithdrefnau cwyno unigol drwy gysylltu'n uniongyrchol #&226;'r Asiantaeth/Busnes. Fel arfer rhaid i chi dderbyn ymateb terfynol gan yr Asiantaeth/Busnes cyn y gallwn ddelio #&226;'ch cwyn.

Os byddwch yn cwyno i ni cyn i chi gwyno i'r Asiantaeth/Busnes, efallai byddwn yn gofyn i chi anfon eich cwyn ymlaen atynt i weithredu arni. Byddwn hefyd yn eich cynghori o'r camau nesaf os nad ydych yn derbyn ymateb derbyniol. Top y Dudalen